Շենքի ճակատների ապակեպատումը ալյումինե պրոֆիլներիով
Ժամանակակից շենքերի շինարարության դեպքում, հատկապես` առևտրային կամ հասարակական նշանակության, լայն կիրառում է ստացել ալյումինե ճակատամասերի տեխնոլոգիան: Այդպիսի շենքերի մակերեսի մեծ մասը զբաղեցնում են լուսաթափանց կոնստրուկցիաները, որոնք փոխարինում են ավանդական աղյուսե կամ բետոնե պատերը` պատուհաններով: Ալյումինե ապակեպատ ճակատները առավել մեծ պահանջարկ է վայելում ժամանակակից գործարար կենտրոնների, սուպերմարկետների և զվարճանքի համալիրների շինարարության ժամանակ: Որպես հարդարման ժամանակակից տարր դրանք նաև օգտագործվում են արդի բնակելի շենքերի կառուցման ժամանակ: Խոշոր առևտրի կենտրոնների շահագործման ժամանակ շենքերի ալյումինե ճակատները ծառայում են որպես առանձին խանութների մակերեսների բաժանարարներ:
Շենքի ալյումինե ճակատների պատրաստման տեխնոլոգիան
Ալյումինե ճակատային կոնստրուկցիաների հավաքման ապակին ստեղծում է բաց տարածության տպավորություն` առանց սահմանափակելու հայացքը անթափանց պատերով: Ալյումինե կմաղքի ամրությունը ապահովվում է հորիզոնական ռիգելային հեծանների և ուղղահայաց հենակների շնորհիվ, որոնք ամրացվում են բետոնի հիմքին այդ նպատակով հատուկ մշակված ամրակներով:
Շրջանակին ապակու ամրացման համար նախատեսված են խտացուցիչ միջադիրներով սեղմաձողիկներով, որոնք միաժամանակ հանդիսանում են քամիներից պաշտպանող հերմետիկ տարր:
Լուսաթափանց ապակե կոնստրուկցիաները պատրաստվում են` օգտագործելով.
- հասարակ ապակիներ,
- մեկական կամ բոլոր անվտանգ (մխված) ապակիներ,
- ջերմախնայող ապակիներ,
- բազմաշերտ ապակիներ (տրիպլեքս):
Ապակու տեսակի ընտրությունը կախված է պատվիրատուի պահանջներից և նախագծի տեխնիկական առանձնահատկություններից:
Շենքերի ալյումինե ճակատների առավելությունները
Ալյումինե ճակատային կոնստրուկցիաները ունեն մի շարք անվիճելի առավելություններ, շնորհիվ որոնց դրանց կիրառման ոլորտները անընդհատ աճում են`
- բարձր ամրություն, որը ստացվում է ժամանակակից ալյումինե ձուլվածքների օգտագործման շնորհիվ,
- ցանկացած արտաքին ազդեցությունների նկատմամբ կայունություն` անձրևի, հալոցաջրերի, քամու, ձյան, սառցակալման, ուլտրամանուշակագույն ճառագայթման և այլնի,
- հակակորոզիոն հատկություններ, որի շնորհիվ դրանք օգտագործվում են բարձր խոնավության օբյեկտների ապակեպատման համար` լողավազաններ, ձմեռային այգիներ, ջերմոցներ և այլն,
- երկարատև շահագործման ժամկետներ` մինչև 50 տարի և ավելին,
- ամենամյա վերանորոգման և թանկարժեք ու բարդ խնամքի անհրաժեշտության բացակայություն,
- գերազանց ձայնա- և ջերմամեկուսիչ հատկություններ, որոնք ապահովում են շենքի կատարյալ ջերմային հավասարակշռությունը` երկակի ապակեպատում օգտագործման դեպքում,
- շինությունների հիանալի բնական լուսավորություն, ինչի շնորհիվ իջնում են լուսավորության նպատակով էլեկտրաէներգիայի ծախսերը,
- գերազանց վերանորոգելիություն. անհրաժեշտության դեպքում կարելի է փոխարինել միայն մեկ փեղկը` առանց հանելու ամբողջ կոնստրուկցիան,
- չհրկիզվող նյութերի օգտագործման հետևանքով հակահրդեհային անվտանգություն,
- հրապուրիչ արտաքին տեսք,
- դիզայներական և կառուցվածքային բազամազան լուծումներ, որոնք կիրառելի են ամենատարբեր տսակի շենքերի համար,
- տեղակայման պարզություն:
Ալյումինե ճակատներով շենքերի նախագծումն ու կառուցապատումը ոչ միայն ապահովում է շենքի հրաշալի արտաքին տեսքը և գերազանց շահագործական հատկանիշները, այլև տալիս է հնարավորություն էապես տնտեսել շինարարական բյուջեի միջոցները` տեղակայման աշխատանքների արագության և պարզության հաշվին: Տեղակայումը կարող է իրականացվել տարվա ցանկացած եղանակին` առանց վնասելու կառույցի արտաքին տեսքն ու ամրությունը:
